ዕብየት ካበይ ይጅምር ኣበይ ከ ይውድእ？

ዕብየትካ ዝጅምር ካብ ነብስኻ ኢዩ：ምርጫኻ ንዕብየት እንተ ኾይኑ ነቶም ዘለው ጸጋታት ብታሕጓስ ተቐቢልካ በዚኣቶም እንታይ ክሰርሕ ይኽእል ብምባል ርእስኻ ትፍትሽ:: ቀዳማይ ሓሳብካ ምስ ኣተዓባብያኻ ዝመሳሰል ንምስራሕ'ዩ：በዚ ዝሰራሕካዮ ዕውት ምስ ትኽውንን እቲ ብዝተወሰነ ደረጃ ጽልዋ ክገብረልካ ዝኽእል ሕብረተሰብ ምትብባዕ ምስ ዝገብረልካን ተስፋ ዘለዎ ጅማረ ይኸውን:: ካልእ ዝበለጸ ንምስራሕ ድማ ማዕጾኻ ይረሖ:: ብዙሕ ምስ እትርኢ ድማ ብብዙሕ ወገናት ክትሓስብ ይሕግዘካ:: ኣተሓሳስባኻ ድማ ለውጢ ይጅምር እዚ ድማ መፈለምታ ዕብየት ይበሃል::

ውርይቲ ጋዜጠኛን ደራሲትስን ጋየል ሺሂ(Gail Sheehy) ብዛዕባ ዕብየት ክትዛረብ ከላ ከም'ዚ ትብል: “እንተዘይ ተለዊጥና ኣይንዓብን ：እንተዘይ ዓቢና ድማ ብሓቂ ንነብር የለናን.” ስለ'ዚ ናይ ሂወትና ለውጢ ናይ ዕብየትና መርትዖ ኢዩ： ዕብየትና ከኣ ናይ ህላወና መርትዖ ይኸውን:: ወላ'ኳ ከባቢኻ ጽልዋ እንተ ሃለዎ እቲ መሰረታዊ ውሳኔ ዕብየት ግና ኣባኻ'ዩ ዝምርኮስ：ስለዚ ሓወይ/ፍተይ ምርጫኻ/ኺ ብዘይ ምኽንዩነት ንዕብየት ይኹን:: እዚ ግን ከም'ቲ እሾኽ ከይወግኣካ በለስ ዘይብላዕ ፍረ ዕብየት ድማ ቅጥራን ዝተለበጠ ጽርግያ ኣይኮንን： ግዳ እቲ ውጽኢቱ ከምቲ በለስ ምቁር'ዩ :: ደቂ ማማ ድማ እሾኽ ከይተወጋእካ ዝብላዕ ከይመስለኩም： ካልእ ሰብ ተወጊእልኩም ወይ ከኣ እቲ ገንዘብኩም ዋጋ'ቲ በለስን ምውጋእ እሾኹን ኢዩ:: እቶም ገለና ከኣ ብሉጻት ምጽሩያት ኣለና ኣይንሰርሕ ኣይነስርሕ ማለት'ዩ እቶም ብሓቂ ዕድመ ንቖጽር እምበር ዘይንነብር： ኣምላኽ ካብዚ የድሕነና:: ንሎሚ ኣብዚ ይእኸለና ኣብ ዝቕጽል ክሳብ ንራኸብ ብሰላም ጽንሑ

2 ይ ክፋል ይቕጽል .......